Բաժին, որը զարգացնում է ապագայի ՏՏ մասնագետներ
Մշակողներն ու վերլուծողները ուսումնասիրում և գնահատում են համակարգչային համակարգերի կառուցվածքը և աշխատանքի մեխանիզմները, նախագծում և պլանավորում համակարգչային ծրագրերի և համակարգերի կառուցվածքը, առաջարկում բարելավումներ և նոր տեխնոլոգիաներ՝ համակարգի արդյունավետությունը բարձրացնելու համար։
Ծրագրավորողները ստեղծում են ծրագրային կոդներ՝ ըստ մշակողների և վերլուծողների նախագծման, շտկում են սխալները, բարելավում ծրագրերի աշխատանքը և ավելացնում նոր ֆունկցիաներ։
Հեռահաղորդակցության տեխնիկները տեղադրում, սպասարկում և վերահսկում են հաղորդակցման սարքերն ու համակարգերը, հետևում կապի որակի վրա և շտկում հնարավոր խնդիրները, որպեսզի հեռահաղորդակցությունը անխափան աշխատի։
Տեխնիկներն ու օպերատորները հետևում են համակարգիչների և տվյալների մշակման համակարգերի ճիշտ աշխատանքի, կատարում պահպանումներ և շտկումներ, շահագործում համակարգերը և վերահսկում տվյալների մշակումն ու հաշվարկները՝ ապահովելով անխափան և արդյունավետ աշխատանք։
