Տեղեկատվական տեխնոլոգիաների և ծրագրավորման ամբիոն

<<Տեղեկատվական տեխնոլոգիաների և ծրագրավորման>> ամբիոնը քոլեջում իրականացնում է կրթական գործընթաց, որի նպատակն է պատրաստել ժամանակակից գիտելիքներով և գործնական հմտություններով համալրված մասնագետներ։ Ամբիոնը համադրում է տեսական գիտելիքների փոխանցումը գործնական աշխատանքների և արտադրական պրակտիկայի հետ՝ ապահովելով ուսանողների մրցունակությունը աշխատաշուկայում։ 2024թ-ից մինչև այսօր ամբիոնի վարիչն է Ռոզա Նազարյանը։ Ռոզա Նազարյանը մասնագիտությամբ ինֆորմատիկ է և գրաֆիկ դիզայներ։ Ամբիոնում առկա էր 1 մասնագիտություն ` <<Հաշվողական տեխնիկայի և ավտոմատացված համակարգերի ծրագրային ապահովում>>։ Մասնագիտության նկարագիր «Հաշվողական տեխնիկայի և ավտոմատացված համակարգերի ծրագրային ապահովում» մասնագիտությունը նախատեսված է այն ուսանողների համար, ովքեր ցանկանում են ձեռք բերել ծրագրավորման, տեղեկատվական տեխնոլոգիաների և ավտոմատացված համակարգերի ոլորտի կիրառական հմտություններ։ Ուսուցման ընթացքում ուսանողները տիրապետում են․ ✓ծրագրավորման լեզուներին և տեխնոլոգիաներին, ✓տվյալների բազաների ստեղծման և կառավարման հմտություններին, ✓վեբ և մոբայլ հավելվածների նախագծման ու մշակման գործընթացներին, ✓համակարգչային գրաֆիկային ✓ավտոմատացված կառավարման համակարգերի ծրագրավորմանը և տեխնիկական սպասարկմանը ✓համակարգչային ցանցերի հիմունքներին և տեղեկատվական անվտանգության ապահովման մեթոդներին։ Ուսուցումն իրականացվում է կիրառական ձևաչափով՝ ներառելով լաբորատոր աշխատանքներ, կուրսային և դիպլոմային առաջադրանքներ, ուսումնական, մասնագիտական, նախաավարտական պրակտիկաներ։ Ամբիոնի առաքելությունը Ամբիոնի առաքելությունն է կրթել ստեղծարար, նախաձեռնող և մրցունակ մասնագետներ, որոնք պատրաստ են կիրառել իրենց գիտելիքներն ու հմտությունները իրական աշխատանքային միջավայրում։ Ամբիոնը նպաստում է ՏՏ ոլորտի զարգացմանը՝ ապահովելով որակյալ կադրերի պատրաստում և ուսանողների մասնագիտական աճի շարունակականություն։ Պահանջարկը աշխատաշուկայում ՏՏ ոլորտը Հայաստանում և միջազգային շուկայում ամենապահանջված և արագ զարգացող ոլորտներից է։ Քոլեջի շրջանավարտները կարող են աշխատել․ ✓ՏՏ և ծրագրավորման ընկերություններում, ✓արդյունաբերական և ավտոմատացված համակարգերի սպասարկման ոլորտում, ✓պետական և մասնավոր կազմակերպությունների ՏՏ բաժիններում։ Բացի այդ, շրջանավարտները հնարավորություն ունեն շարունակելու իրենց կրթությունը բուհերում՝ խորացնելով մասնագիտական գիտելիքները և ձեռք բերելով բարձրագույն կրթություն։