Հասարակագիտական և հումանիտար առարկաների ամբիոն

«Հասարակագիտական և հումանիտար» առարկաների ամբիոնը ստեղծվել է 2023 թվականին: Ամբիոնում առկա է 1 մասնագիտություն՝ «Ռեժիսուրա» և հումանիտար և հասարակագիտական ուղղվածության ոչ մասնագիտական առարակներ ու մոդուլներ, որոնք նախկինում գործել են «Հասարակագիտական և հումանիտար» առարկաների ցիկլային հանձնաժողովի կազմում:Ստեղծման պահից մինչ այսօր ամբիոնի վարիչն է Անի Պետրոսյանը: Անի Պետրոսյանը մասնագիտությամբ իրավագետ-մանկավարժ է։ Ամբիոնը մեծ կարևորություն է տալիս ուսանողների ընդհանուր կրթական, մշակութային և ստեղծագործական հմտությունների ձևավորմանը՝ համադրելով տեսական գիտելիքները և գործնական գործունեությունը։ Ամբիոնում իրականացվող մասնագիտությունը «Ռեժիսուրա» Այս մասնագիտության նպատակն է պատրաստել ռեժիսորներ, որոնք կկարողանան կազմակերպել բեմադրական և էկրանային գործընթացները։ Ուսանողները սովորում են ռեժիսուրա, բեմական խոսք, դերասանի վարպետություն, արվեստի, կինոյի և թատրոնի պատմություն, մշակութաբանություն, դիցաբանություն,լուսանկարչություն, օպերատվություն և արվեստի կազմակերպման հմտություններ ենթադրող այլ մոդուլներ։Ուսման ընթացքում մեծ ուշադրություն է դարձվում նաև գործնական հմտություններին․ ուսանողները մասնակցում են թատերական բեմադրություններին, ստեղծագործական նախագծերին և մշակութային միջոցառումներին։ Ամբիոնի առաքելությունը Պատրաստել ժամանակակից կրթություն ստացած ռեժիսորներ։ Ներգրավել ուսանողներին ստեղծագործական նախագծերի և պրակտիկայի մեջ։ Ապահովել շրջանավարտների մրցունակությունը մշակութային և արվեստի ոլորտներում։ Նպաստել նորարարական և ինքնատիպ գաղափարների իրագործմանը։ Աշխատաշուկայում պահանջվածություն Ամբիոնի «Ռեժիսուրա» մասնագիտության շրջանավարտները կարող են աշխատել թատրոններում, մշակութային կենտրոններում, կինոարտադրական կազմակերպություններում, հեռուստատեսությունում և ստեղծագործական հաստատություններում՝ որպես ռեժիսորներ, բեմադրողներ կամ ստեղծագործական ղեկավարներ։ Նրանք նաև հնարավորություն ունեն հիմնելու սեփական ստեղծագործական խմբակներ, իրականցնելու մշակութային նախագծեր։